20-Jun-2022 غیر عنوان-

Tausif Raza Razvi Official

Add To collaction

20-Jun-2022 غیر عنوان-

خواجہ بندہ نواز آپ ہیں

،،،،،،،،،،،،،،،،،،،،،،

❣️❣️

آلِ شاہِ اُمم اہلِ حق کا بھرم دردِ قلب و جگر کی دوا خواجہ بندہ نواز آپ ہیں

رہبرِ راہِ حق عاشقی کا سبق سارے عالم میں سب سے جدا خواجہ بندہ نواز آپ ہیں

نورِ عشقِ رسالت سے معمور جس کو خدا‌ نے کیا جامِ یادِ الٰہی سے سیراب خیر الورٰی نے کیا

حیدری رنگ ہے‌ منفرد دھنگ ہے دل لُبھاتی ہے جس کی ادا خواجہ بندہ نواز آپ ہیں

گلشنِ سیدہ فاطمہ کا ہیں آپ ایک ایسا گلاب غیر ممکن ہے جس کا مِلے دہر میں اور کوئی جواب

سب کے دل کی طلب آپ عالی نسب رحمت و نور کی اِک ردا خواجہ بندہ نواز آپ ہیں

زلفِ واللیل کی نوری کرنوں سے جِس کا عمامہ سَجا جِس کے نعلین نے بادشاہوں کے کاندھوں پہ احساں کیا

سادگی منفرد عاجزی بے بدل راحتِ قلبِ شاہ و گدا خواجہ بندہ نواز آپ ہیں

ایک قطرے کا بھی ہو سوالی کوئی کر دیں دریا عطا سارے عالم میں مشہور ہے میرے آقا کا جود و سخا

آپ کی ہر ادا سُنّتِ مصطفیٰ ذاتِ حق میں مکمل فنا خواجہ بندہ نواز آپ ہیں

آپ وہ ہیں کہ جِس کے لیے قولِ مرشد ہے یا شاہباز آپ کو جِس نے دل میں بسایا ہوا باخدا عشق باز

آپ کی گَردِ رہ سِیم و زر سے سوا مجھ کو بھی کیجے صدقہ عطا خواجہ بندہ نواز آپ ہیں

جِس کے سجدوں کی نورانیت سے چمک اُٹھّی ساری فضا جِس کے اخلاق و کردار کو دیکھ کر غیر بھی ہو فدا

سر سے پا تک ہیں نور علم کا آپ طور یادگارِ شہِ کربلا خواجہ بندہ نواز آپ ہیں

آپ چاہیں اگر تو سنور جائے تقدیر شاہِ دکن ایسے ہی لہلہاتا رہے عمر بھر شاعری کا چمن

آپ مشکل کشا آپ حاجت روا قلبِ توصیفؔ کی ہر صدا خواجہ بندہ نواز آپ ہیں

،،،،،،،،،،،،،،،،،،،،،،

✍️از۔ توصیفؔ رضا رضوی

+91 9594346926